За адзінаццаць месяцаў бягучага года ў Шчучынскім раёне нарадзілася 168 дзяцей, з іх 87 хлопчыкаў і 81 дзяўчынка.

Нараджэнне 87 дзяцей зарэгістравана ў аддзеле загса Шчучынскага райвыканкама, 21 – у Васілішкаўскім сельвыканкаме, 11 – у Жалудоцкім, 9 – у Астрынскім, па 8 – у Мажэйкаўскім і Ражанкаўскім, 7 – у Шчучынскім, 6 – у Лядскім, 4 – у Дэмбраўскім, 3 – у Першамайскім, па 2 дзіцей – у Каменскім, Орлеўскім.

З 168 нованароджаных 55 былі першынцамі ў сем'ях , 50 - нарадзіліся ў сям'і другімі , 41 - трэцімі , чацвёртымі – 7, пятымі – 6 дзяцей, 9 нарадзіліся шостымі. Сёлета нарадзіліся дзве пары двайнят. 61 дзіця нарадзілася ў маці ва ўзросце ад 25 да 30 гадоў, 43 - ад 20 да 25 гадоў, 34 - ад 30 да 35 гадоў.

Самая малодшая шчучынка нарадзіла ў 18, самай старэйшай споўнілася 42 гады. Самым малодшым бацькам стаў шчучынец ва ўзросце 21, самаму даросламу споўнілася 58 гадоў. Сярэдні ўзрост бацькі – 31 год, маці – 28 гадоў.

22 дзіцяці нарадзілася ў маці, якія не знаходзяца ў зарэгістраваным шлюбе. У дачыненні 16 дзяцей у бягучым годзе ўстаноўлена бацькоўства.

Самыя папулярныя імёны гэтага года: Максім (7), Павел (5), Мацвей (4), Ева (7), Арына, Ксенія і Сафія (па 5).

Да разраду рэдкіх імёнаў можна аднесці: Алан, Герман, Леў, Евангеліна, Івета, Міра.