У перыяд часу з 11 па 17 мая 2026 года на тэрыторыi рэспублiкi праводзiцца прафiлактычная акцыя «Дом без гвалту!»

 У акцыю ўцягнуты супрацоўнікі і спецыялісты ўнутраных спраў, працы і сацыяльнай абароны, адукацыі, аховы здароўя, а таксама грамадскіх аб’яднанняў. Сѐлета акцэнт зроблены на прыняцці сістэмных мер прафілактыкі да грамадзян, якія дапускаюць гвалт у сям’і, прыцягненні максімальнай колькасці зацікаўленых у вырашэнні праблем,звязаных з гвалтам, аказанні кваліфікаванай дапамогі пацярпелым.

 Падчас дадзенай акцыі міжведамасныя рабочыя групы правядуць выступленні ва ўстановах адукацыі, працоўных калектывах на тэму папярэджання гвалту ў сям’і. Будуць наведаны па месцы жыхарства грамадзяне, якія дапускаюць гвалт у сям’і; сем’і, у якіх выхоўваюцца дзеці, прызнаныя знаходзячымiся ў сацыяльна небяспечным становішчы; сем’і, у якіх пражываюць састарэлыя грамадзяне. На выязных пасяджэннях суда будуць разгледжаны крымінальныя справы, справы аб адміністрацыйных праванарушэннях у дачыненні да асоб, што дапускаюць гвалт ў сям’і, з запрашэннем аналагічнай категорыі грамадзян. Будуць прыняты меры адміністрацыйна-прававога ўздзеяння да грамадзян, якія дапускаюць гвалт у сям’і, у тым ліку арганізаваны агляд урачом-нарколагам і ўрачом-псіхіятрам, падтыхтоўка матэрыялаў аб абмежаванні ў дзеяздольнасці, напраўленні ў лячэбна-працоўныя прафілакторыі, устанаўленнi (прадаўжэнні) прэвентыўнага нагляду. На пазачарговых пасяджэннях саветаў грамадскіх пунктаў будуць прыняты меры грамадскага ўздзеяння да грамадзян, якія дапускаюць гвалт у сям’і.

Аддзел аховы правапарадку і прафілактыкі аддзела ўнутраных спраў
Шчучынскага райвыканкама